哪一天我們會紅｜新劇講追夢 麥沛東好大感觸︰令我諗起好多嘢
撰文：吳子生
出版：更新：
麥沛東（麥東）憑電影《正義迴廊》的經典對白：「屈我啦，屈我啦，我無問題㗎！」加上精湛演技令他奪得「亞洲電影大獎」的最佳新演員，雖然失落了香港電影金像獎影帝，但出神入化的演技已備受肯定。
麥沛東憑《正義迴廊》的演出爆紅，更提名香港電影金像獎「最佳男主角」。（《正義迴廊》預告截圖）
今日（18/5）麥東現身葵涌為ViuTV新劇《哪一天我們會紅》開工。麥東透露在劇中飾演一名YouTuber：「其實呢個角色對我嚟講都幾難，因為要演好多唔同性格，所以我都有睇相關類型嘅影片去參考，同時都有同導演溝通點樣喺真實同喜劇中遊走。」
麥東今日為新劇開工。（葉志明 攝）
新劇故事背景講追夢，當中情節有冇令自己好大感觸？「真心係有，就好似昨日場戲講應唔應該放棄，令我諗起好多嘢，本身自己都做咗8年嘅舞台劇，有次太太問我如果冇《正義迴廊》，我話我會轉行。變咗拍呢套劇嘅時候，係令我會同不時諗起自己冇工開嘅時候，我係要搵其他兼職做。（有冇自責過對太太唔住？）而家冇，因為都算OK，但就唔算好搵到錢嘅，不過就多咗工作機會嘅。而太太佢都見到我有成績，亦見到我嘅作品，佢都好開心，而且仲會成日係咁睇，好感恩太太一直咁支持我。」
同劇演員大合照。（葉志明 攝）